Li Erebîstana Siûdî drona ku nêzî Qesrê bû rê li ber alarmê vekir
Li paytexta Erebîstana Siûdî Riyadê, droneke ku nayê zanîn bê ji ku ve hatiye şandin, rê li ber rageşiyê vekir.
Hate ragihandin, 'droneke mînî' ya ku gelekî nêzî Qesra Qraliyetê ya li Riyadê bû, ji aliyê hêzên ewlekariyê ve hate xistin.
Dîmenê xistina droneyê ji aliyê gelek bikarhênerên înternetê ve hate weşandin. Di dîmen de tê dîtin ku gelek gule li drone tê reşandin.
Li gorî agahiyan, drone ya biçûk bi hinceta ku li dijî qral sûîqestê bike rê li ber rewşeke aloz vekiriye û hêzên ewlekariyê xistiye nava alarmê.
