Li paytexta Iraq Bexdayê, danê sibehê du caran teqîn pêk hatin. Hat ragihandin teqîn li meydana Teyran a Bexdayê rû dan.

Berdevkê Wezareta Karên Hundir a Iraqê Saet Mein li ser teqînê daxuyanî da û diyar kir ku 35 kesan jiyana xwe ji dest dane, 90 kes jî birîndar bûne.

Mein got, teqîn ji aliyê du terorîstên bombe li xwe pêçandibûn hate kirin û anî ziman ku lêpirsîn i ser bûyerê hatiye destpêkirin.

Heta niha kesî berpirsyariya teqînê li xwe negirtiye.