26’ê Gulanê li Belçîkayê hilbijartin pêk hat. Di hilbijartinan de li herêma zimanê Flamananî rastgir, li herêma zimanê Fransizî çepgir derketin pêş.

Di hilbijartinên parlamentoya Ewropayê de partiya rastgir a Flamanan N-VA, ji çar wekîlan wekîlek winda kir û 3 wekîl derxistin. Partiya neteweparêz a Flamanan Vlaams Belang, 2 wekîl derxistin. Di dengdana ji bo Parlamentoya Ewropayê de partiyên endam derxistî wiha ne: Muhafazakar (CD&V), Demokratên Humanîst (CDH-CSP), Lîberalên Flamanî (Open VLD), sosyalîstên bi zimanê Fransizî, rastgirên navendgir ên bi zimanê Fransizî û hawirparêz, Keskên Flamanî (Groen), partiya kar Belçîkayê (PTB) û sosyalîstên Flamanî (SP.A).

Bi tevlîbûna hilbijêran a 88 ji sedî, li tevahiya Ewropayê Belçîka bû welatê herî zêde dengdêr çûyî ser sindoqan.

LI HERÊMA FLAMANAN RASTGIRÊN RADÎKAL BI SER KETIN

Di hilbijartina ji bo Federaliyê de rêjeya dengan a partiyan wiha ye: 16 ji sedî Partiya NV-A (-4,3), 11,9 ji sedî, Partiya Vlaams Belang (+8,2) û 9.5 ji sedî partiya PS (-2,2) deng girtin. NV-A û PS bir rêjeyeke girîng deng winda kirin.

Bi kurtasî li herêma Flamanan partiya rastgirên radîkal Vlaams Belang bi ser ket û li parlamentoya Flamanê hejmara xwe ya wekîlan ji 6’an derxist 23’an.

PÊŞVEÇÛNA HAWIRPARÊZ Û KOMUNÎSTAN

Li Valon û Bruksel partiya PS bû partiya yekemîn lê belê bi rêjeya herê kêm a dengan bû yekemîn.

Li herêma bi zimanê Fransizî diaxivin Hawirparêz û Partiya Kar a Belçîkayê (PTB), bûn serkeftiyên sereke yên hilbijartina herêma Valon û Brukselê. Partiya Keskan bi rêjeya 14 ji sedî li Parlamentoya Valonê 12 wekîl derxistin û li Brukselê jî ji 9 ji sedî rêjeya dengê xwe zêde kir.