Li Bexdayê ku paytexta Iraqê ye, konferansek li ser Kampa el Holê ku li Bakur û Rojhilatê Sûriyeyê ye, hat lidarxistin. Rayedarên Iraqî, nûnerê NY yê Iraqê, hin endamên koalîsyona navneteweyî ya têkoşîna li dijî DAÎŞ’ê, û sefîrên gelek welatan tev li konferansê bûn. Li Kampê, bi piranî jin û zarok, hevserên çeteyên DAÎŞ’ê û zarok jî di nav de, nêzîkê 51 hezar kesên Iraqî û Sûriyeyî dimînin. Avahiyeke din a kampê heye ku nêzîkê ji 60 neteweyên cuda 8 hezar jin û zarok lê dimînin. Mezinkirina zarokan li gor doktrînên DAÎŞ’ê li kampê, ji bo cîhanê xeteriyeke mezin e.

Li gor ajansa nûçeyan a dewletê Berdevkê Wezareta Karê Derve yê Iraqê Ahmed Sahhaf di daxuyaniya xwe de gotiye: “Qedandina pirsgirêka Kampa El Holê, ji bo Iraqê bûye berjewendiya herî giring a neteweyî.”

Sahhaf, bang li civaka navneteweyî, hemû welatên welatiyên wan li kampê ne kir ku wan di demeke kin de bişînin welatên wan da ku kamp ji binî ve bê girtin. Ji ber ku kamp bûye baregeheke navendî ya xeternak.

Şêwirmendê Ewlehiya Neteweyî ya Iraqê Qasim el-Arajî ku li konferansê axivî, got ku Iraqê di nava hefteyekê de 5 hezar û 569 welatiyên xwe ji Kampa Holê derxistine û şandine.