Ji ber lehiya li Lîbyayê rabûye li gor servîsên alîkariya pêşîn, zêdeyê 2 hezar û 300 kesan jiyana xwe ji dest daye, bi hezaran kes birîndar bûne û bi hezaran kes jî wenda ne.
Li gor Xaça Sor û Heyva Sor ji ber lehiya roja Duşemiyê li Lîbyayê rabûye, gelek kesan jiyana xwe ji dest daye.
Servîsên alîkariya pêşîn li Derna ya li bakurêrojhilatê welêt, ragihand ku herî kêm 2 hezar û 300 kesan jiyana xwe ji dest daye û li seranserê welêt bi hezaran kes jî wenda bûne.
Bandora lehiyê bi taybetî pir li Dernayê bûye. Wezîrê Hewagêriya Sivîl û endamê komîteya rewşa lezgîn got: ‘’Rewş bobelat e. Li her derê cenaze hene.’’
Berdevkê servîsa lezgîn da xuyakirin ku 2 hezar 300 kesan jiyana xwe ji dest daye, 7 hezar kes birîndar bûne û 5 hezar kes jî birîndar in.
Du bendavên li ser çemê Wadî “Dernayê teqiyane û her der bûye herî, pir xera bûne û gelek avahî û kes di binê heriyê de mane.
Hevya Sor a Lîbyayê, diyar kir ku pêdiviyên mirovî ji kapasîteya Heyva Sor û ya hikûmetê derbas bûne.
