Sekreterê Giştî yê Netewên Yekbûyî (NY) Antonîo ragihand ku komîsyonekî destûra bingehîn ku mûxalîf û deshilatdariya li Sûriyeyê digre nava xwe hate avakirin.

Gueterres ragihand ku komîsyon ew ê ji bo destûra bingehîn ya Sûriye û ji bo hilbijartinan kar bike.

Gueterres wiha domand; “Avakirina komîteyekî wiha ku ji aliyê Sûriyeyiyan ve were avakirin û birêvebirin sedemeke ji bo vekirina rêya polîtîk ya ji bo çareseriyê ye.” Gueterres diyar kir ku Nûnerê Taybet yê Sûriyeyê Geîr Pedersen ew ê rojên pêşiya me de komîteyê kom bike.

Komîteya destûra bingehîn ku di civînekî 2018’an hate qebûlkirin ji 150 kesan pêk tê. 50 kes ji aliyê rejîmê ve, 50 muxalîf û 50 kesên din jî wê ji aliyê NY ve were diyarkirin.

Komîteya ku ji 150 kesan pêk tê wê komîteyekî teng a ji bo 15 kesan pêk were jî hebe. Komîteya teng wê ji rêveberina xebatan a bi lez berpisyar be.