Li gorî nûçeya rojnameya Mallorca Zeîtûng, ku li Spanyayê bi zimanê Elmanî tê weşandin, tûrîsteke Elman beriya 14 salan li herêma Cala Gata ya Mallorcayê, dema digeriya kevirek dît û ev kevir bi rengekî neqanûnî bir Elmanyayê. Rojnameyê ragihand, derket holê ku ev kevir gelekî kevne.

Di nûçeyê de hat destnîşankirin, ku kevirê ji aliyê tûrîsta jin ve hat dîtin, fosîlê celebekî marîjokê Captorhînîdae yê 260 mîlyon salî ye. Hat gotin, têkildarî vî celebê marîjokê li Başûrê Ewropayê dijiya, yekemcar e fosîlekî ewçend kevn tê dîtin.

Di nûçeyê de hat ragihandin, tevî ku ya tûrîsta Elman kir qedexe ye jî, wê lêpirsîn der barê wê de neyê vekirin û fosîl jî di nava demeke kurt de ji Mallorca re bê şandin.