Fîzîknasên Çînî, ku beriya niha karîbûn tîrêjê bigihîne heta 100 kîlometreyî, vê carê ev dirêjahî zêde kirin û tîrêj gihandin 1200 kîlometreyî.

Li gorî kovara Scîence a Amerîkî, ev serketina fîzîknasên Çînî ji bo şoreşa telekomunîkasyon û krîptokirina li ser întenetê qonaxeke girîng e. Ev karê fîzîknasên Çînî xwe dispêre taybetmendiyên cîhana jêr-atomê ya Albert Eînsteîn qala wê dikir. Li gorî vê yekê, partîkul (parçik) di heman demê de dikarin li du cihên cuda bin. Foton û notron ji aliyê fîzîkî ve ji hev cuda jî bin, weke hebûneyekê xwe nîşan didin.

Tîma Prof. Jîan-Weî Pan ê ji Zanîngeha Hefeî, bi saya tîrêjê lazerê, ji peykeke li dora cîhanê, cotikên foton belav kir. Ev foton ji hev hatin cihêkirin û li çiyayên Tîbetê, li cihekî ku 1200 kîlometre dûr e, li du stasyonên bejahî hatin zevtkirin.

Fîzîknas Thomas Jenneweîn ê ji Zanîngeha Waterloo ya Kanadayê ragihand, ev yek pêşketineke mezin e.

Ev taybetmendiyên cîhana kûantûmê, ji bo kompûterên xurt û xwedî kapasîteya hesabkirinê ya ku ti makîneyên niha nikarin bikin, derfetên girîng pêşkêş dikin.