Alîkarê Serokê DYA’yê Mîke Pence çû serdana Japonyayê û got ku ew ê li hemberî rêveberiya Koreya Bakur zext û polîtîkaya xwe girantir bikin.

Pence diyar kir, heta ku bernameya nukleer a Koreya Bakur ji binî ve bi dawî nebe ew ê zextên xwe girantir bikin.

Pence li ser pirsa îxtîmala operasyona leşkerî jî got ku, ‘Dibe ku pêk bê.’

Pence qala naveroka zextan nekir û diyar kir ku mutefîkê wan Koreya Başûr û Japonya jî ew ê di warê leşkerî de piştgiriyê bidin wan.

DYA xwestibû ku di nav zextan de kirîn û firotina petrolê jî hebe lê Çîn xwe nade ber vî tiştî. Çînê berê sînorkirina komirê ya ji vî welatî erê kiribû.