Serokkomarê Fransayê Macron serdana taxeke ya ku ji teqîna roja Sêşemê ziyan lê bûyî kir. Di teqînê de herî kêm 137 kesan jiyana xwe ji dest da, ji 5 hezar kesan zêdetir birîndar bûn û 300 hezar kes jî bê mal man.

Di serdanê de Lubnaniyan Serokkomar Mîchel Aoun protesto kirin û alîkarî ji Fransayê xwestin ku rayedarên Lubanîn ji desthilatiyê bikevin.

Girseya bi hêrs li ser hev dirûşmeyên, “Alîkariya me bikin! Şoreş!” û “Gel dixwaze rejîm bikeve” berz kirin.

Macron got: “Ez dixwazim hevkariyek a Ewropa û hîn berfirehtir jî hevkariya navnetewî organîze bikim.”

Macron hişyarî da ku krîzek giran a aborî û siyasî li Lubnanê xistiye, ev neyê reform kirin wê rewş hîn girantir bibe.

Macron got: “Karê sereke yê îro alîkarî dayîna gel a bê şert û merc bû. Ger ku referom neyê kirin, wê Lubnan hîn bikeve.”

Serokê çep ê Fransî Jean-Luc Melenchon jî serdana Macron rexne kir û got:“Ez li ser mijara mûdaxeleya muhtemel a jiyana siyasî ya li Lubnanê rexne dikim. Ev nayê qebûl kirin. Lubnan ne parêzehek a Fransayê ye (…) ez Lubnaniyan li ser mijara reformên Macron rexne dikim: daxwazên şoreşên welatiyan biparêzin.