Di erdheja Fasê de hejmara miriyan ji hezarî derbas kir
Li Fasê bi şev bi pileya 7’an erd hejiya. Hejmara kesên di erheja Fasê de jiyana xwe ji dest dan ji hezarî derbas kir.
Li gorî bîlançoya ji aliyê Wezareta Karên Hundir ve hatî dayîn, di erdhejê de hezar û 37 kes jiyana xwe ji dest dane.
Wezaretê diyar kir ku hezar û 204 kes birîndar bûne û rewşa 721 birîndaran giran e.
Enstîtuya Jeofîzîk a Emerîkayê (USGS) ragihand ku navenda erdhejê li başûrê rojavayê bajarê Marakeşê ye.
Marakeş ku yek jî bajarên herî girîng ên tûrîzma Fasê ye, ji ber erdhejê ziyaneke mezin dît.
