Li Dewletên Yekbûyî yên Amerîkayê (DYA), hin îxbarên bombe û xerakirina goristanên Yahûdiyan, tirs û fikar zêde kirin. Li gorî anketa Qûînnîpîacê, fikarên li ser zêdebûna dijberiya li Yahûdiyan zêde bûne.

Ji sedî 63 ê beşdarên anketê di wê baweriyê de ne, ku cihêkarî û nefret zêde bûye. Ji sedî 70 ê beşdarên anketê di wê baweriyê de ne ku ev yek 'giran e yan jî gelekî giran e'. Li gorî anketeke bi heman rengî ku di 9'ê Sibatê de hatibû weşandin, ev rêje ji sedî 49 bû.

Derengmayîna daxuyaniya Trûmp a li ser zêdebûna gefên li Yahûdiyan tê xwarin, bû mijara nîqaşê. Beşdarên anketê, di mijara helwesta Trûmp a li ser civaka Yahûdî de, bûne du parçe. Ji sedî 28 ê beşdaran bersiva Trûmp erênî dîtin, ji sedî 37 jî neyînî dîtin.

Antî-Defamatîon Leagûe, ku yek ji mezintirîn rêxistinên li DYA li dijî antî-semîtîzmê têdikoşe ye, ji destpêka salê û vir ve 140 îxbarên bombeyan li hemberî navendên Yahûdiyan tespît kir. Her wiha zerar li sê goristanên Yahûdiyan hat kirin.