Daxuyanî ji aliyê Sînn Feîn ve hate dayîn. Di daxuyaniyê de tê ragihandin ku li Belfastê şeva Înê bombe avêtin malên Gery Adams û serokê partiyê yê herêma bakur Bobby Storey.

Adams li ser Twîtterê daxuyanî da û wiha got; “Em hemû baş in, kesek birîndar nebû. Ez ji bo hemû peyam û lêgerînên we spas dikim. Ez spasiya cîranan yên ku bi lez hatin cihê bûyerê, Nobedarên Herêmê û nûnerên partiyê dikim.”

Sîn Feîn ragihand ku li gorî daxuyaniyên berdevkê edalet û zabitayan êrîşkar beriya êrîşê çend deqeyan li pêşiya mala neviyên Adams bûn.

Hêzên emniyetê yê Bakurê Îrlandayê daxuyanî dan û ragihandin ku berpirsan li rojavayê Belfastê li dijî  dû navnîşanan êrîş pêk anîne.