8'ê Nîsanê partiya Fidesz ku Vîktor Orban serokê wê ye, ji bo cara sêyemîn piraniya kursiyên li parlamentê wergirt.

Orban tevî gotinên xwe yên li dijî biyaniyan û Yahûdiyan, bi rêbaza xwe ya rêveberiya otorîter jî dibe sedema nerazîbûnan. Xwepêşandanên protestoyî yên li dijî Orban dewam dikin.

Zêdeyî 30 hezar kes duh êvarê daketin kolanên paytexta Macarîstan Bûdapeşteyê û li dijî Orban dirûşm qîriyan. Hefteya derbasbûyî jî li Bûdapeşteyê xwepêşandanek hatibû kirin û zêdeyî 100 hezar kes tevlî bûbûn.

Xwepêşandêran dirûşmên ji bo "demokrasiyê" qîriyan. Amadekar dibêjin, ji bo tevgereke sivîl a berfireh li dijî Orban ava bikin ew çalakiyan li dar dixin.