Aliyê Fransayê yê girava Saînt-Martînê ji sedî 95’an rûxiya. Li vê derê bi kêmanî 8 kes mirin û 21 kes jî birîndar bûn.

Beriya vêya Girava Barbûdayê jî rûxiya, bi kêmanî kesek mir.

Serokwezîrê Antîgûa û Barbûdayê Gaston Brown got ku, nifûsa girava Barbûdayê 1600 e û girav hemû rûxiyaye.

Bahoz ber bi Porto Rîcoyê didome. Bahoz beriya ku bigihêje Porto Rîcoyê elektrîka 3 milyon kesan hate qutkirin.

Bahoz ji Porto Rîcoyê berê xwe dide Kuba û Florîdayê.

Bahoza Irmayê ji niha ve bahozeke dîrokî tê pênasekirin. Ev bahoz ji ya Harveyê xurttir e. Di bahoza Harveyê de bi kêmanî 42 kes miribûn.