Zanîngeha Sêrtê dê li ser zimanê Hertevîn ê ku di cîhanê de tenê li gundê Ekînduzu yê navçeya Berwarê ya Sêrtê tenê 4 kes pê diaxivin, bi awayeke zanîstî lêkolîn bike.

Zanîngeha Sêrtê dest bi xebata li ser zimanê Hertevîn ê ku li Berwariyê tenê 4 kes dizanin û di lîsteya “Atlesa Zimanên di Xeteriyê de” ya UNESCO’yê de lêkolîn bike.

Rektorê Zanîngeha Sêrtê Prof. Dr. Mûrat Erman diyar kir ku ew ê li ser kesên ku berê ji Ekînduzuyê koçberê cîhanê bûne lêkolîn bikin. Erman ragihand ku ew gihiştine wê agahiyê ku kesên ji vir koçber bûne li welatên Franse û Kanedayê ne.

Erman da zanîn ku ew ê ji bo vê yekê komek saz bikin û ev kom dê li gel ziman ê Hertevîn, li ser zimanên Kurdî û Erebî jî lêkolîn bike.

UNESCO, bi boneya 21’ê Sibatê Roja Zimanê Zikmakî ya Cîhanê ragihand ku li Tirkiyeyê 15 ziman “Atlasa Zimanên di Xeteriyê de” ne. Li gorî lêkolînê di 60-70 salên dawiyê de li seranserê cîhanê 200 ziman winda bûne, 623 ziman di xeteriyê de ne, 502 ziman jî di xeteriyeke ciddî ene.

Li gorî vê li Tirkiyeyê zimanên Ubihî, Mlasoyî û Yewnaniya Kapadokyayên winda bûne. Çerkezî û zaravayê Dimilkî yê Krud jî “bê ewle mane.” Zimanê Hîrtevîn jî di xeteriyeke ciddî ye.

Li gorî hin çavkaniyan, heta salên 1960’yan derdora hezar kes li Sêrtê bi vî zimanî diaxivîn û ev ziman sala 1970’ê ji aliyê zimanzanê Alman Otto Jastrow ve hatiye keşfkirin û sala 1986’ê careke din hatiye herêmê û xebateke akademîk li ser zimanê Hîrtevîn meşandiye.