Di rewşa tenduristiyê ya Nelson Mandela de ti guhertin tineye. Mandela ji ber nexweşiya li pişika wî, roja Şemiyê ew rakirin nexweşxaneya li Pretorîa û di tenduristiya wî de ti guhertineke erênî nebûye.

Berdevkê Çapemeniyê yê Serokatiyê Mac Maharaj got, "Ti guhert tineye". Rayedar jî kêm caran daxuyaniyê didin û diyar dikin ku rewşa Mandela hînê cidî ye, lê di rewşa xwe de ye.

Xwediyê Xelata Aştiyê ya Nobelê serpîskopos Demond Tûtû got, " Ji bo hevalê min baş bibe, ez dûa dikim." Serokdewetê Efrîka Başûr Jacob Zûma jî di axaftineke xwe ya li televîzyona SABC de got, "Ez wî nas dikim, dizanim xwedî kesayetekî xurt ê têkoşer e. Wê di demeke nêz de bi me re be."

Zûma diyar kir ku ew ji doktoran piştrast e û çi ji destê wan were ewê bikin.

Hêjayî gotinê ye, nexweşiya Mandela ya li pişika wî, hînê ji salên di girtîgeha Roben Îsland de, tê.