Hate zanîn ku li Efganîstanê Talîbanan, 8 welatiyên Tirkiyeyî yên ku  bi helîkoptereke sivîl dadiketin rojhilatê welat û welatiyekê Efxan revandine.

Hate diyarkirin ku helîkoptera organîzasyoneke Tirkiyeyê û roja yekşemê  bi awayekî lezgîn neçar ma li eyaleta Logar dakeve.  Rayedarê polîsan a eyalatê Raîs Han Sadik diyar kir ku hêzên ewlehiyê helîkopter dîtine lê di hundirê wê de 9 kes tune bû û ev kes ji aliyê Talîbanan ve hatine girtin.

Berdevkê hikûmetê yê eyaletê Muhammed Derwêş  jî diyar kir ku kesên hatine girtin 9 jê Tirk û yek jî Efxan e.  Hinek çavkaniyan diyar kir ku her 9 jî ji Tirkiyeyê ne.

Waliyê bajaroka Azra ya ku helîkopter lê daket, Hemîdullah Hemîd jî diyar kir ku ev kes ji aliyê Talîbanan ve hatine desteserkirin.