Terora polîs û leşkerên Tirk a li hemberî xwepêşandanên aştiyane yên li Kurdistan û Tirkiyeyê parlamenter û rewşenbîrên li Swêd kir nav hewldanan. Komek parlamenter û rewşenbîr nameyek ji Serokwezîrê Tirk Recep Tayyîp Erdogan re şandin, xwestin ku şîddeta polîsan a li hemberî xwepêşandêran bi dawî bibe yên êrîş dikin û yên fermana êrîşan didin li hemberî edaletê hesab bidin.

Di nameya ku ligel 13 parlamenteran îmzeya hunermendê şano yê herî bi nav û deng ê Swêdî  Sven Wollter, nîvîskarê bi nav û deng  Peter Curman jî heye,  tê gotin ku li hemberî nerazîbûnên qirkirina xweza, zextan û mudaxelekirina şêwazê jiyanê yê gel ku wek helwesteke demokratîk û aştiyane derdikeve holê bi awayekî li derveyî asta hatiye diyarkirin destwerdana hêzên ewlekariyê nayê qebûlkirin.   

Ji Tayyîp Erdogan tê xwestin ku li şûna serî li şîddetê bide guh bide daxwazên gel û daxwaza demokrasî û azadiyê ya xwepêşandanan de derdikeve holê fêm bike.

Navên rewşenbîr û parlamenterên di nameyê de wiha ne:

Kurdo Baksî, Mudurê Karê Nivîsê, Bengt Berg, Parlamenterê Partiya Çep, Marîanna Berg, Parlamentera Partiya Çep, Torbjorn Bjorklund, Parlamenterê Partiya Çep, Bodîl Cebellos, Parlamenterê Keskan a Partiya Derdor û Berdevkê Polîtîkayên Derve, Francîsco Contreras, Serokê Komên Amerîkaya Latînî, Peter Curman, Nivîskar, Serokê berê yê Sendîkaya Nivîskarên Tirkiyeyê, Dror Feîler, Hunermend, Mattîas Jonsson, Parlamenterê Partiya Karkeran a Sosyal Demokrat, Arhe Hamednaca, Parlamenterê Partiya Karkeran a Sosyal Demokrat, Siv Holma, Parlamenterê Partiya Çep, Evîn Încîr, Sekretera Navneteweyî yê SSU Rêxistina Ciwanan a Partiya Karkeran a Sosyal Demokrat, Amineh Kakabaveh, Parlamentera Partiya Çep, Ehsan Ulla Khan, Serokê Giştî yê Bonded Labour Liberation Front, Yilmaz Kerîmo, Parlamenterê Partiya Karkeran a Sosyal Demokrat, Murat Kuseyrî, Rojnamevan, Annîka Lîllemets, Parlamentera Keskan a Partiya Derdor, Jan Lindholm, Parlamenterê Keskan a Partiya Derdor, Azar Mahloujian, Nivîskar, Abîr al-Sahlanî, Parlamenterê Partiya Naven, Anna Steele, Parlamentera Partiya Gel, Sven Wollter, Hunermendê Şano.