Li bajarê Strasbourg ê Fransa çalakiya nobetê ya bêdem a ji bo azadiya Rêberê Gelê Kurd Abdullah Ocalan û girtiyên siyasî bênavber berdewam dike. Bi çalakiya nobetê ya ket hefteya 56’emîn re der barê pirsgirêka Kurd û hewldanên Ocalan de agahdarî têne kirin.

Çalakiya nobetê ya ji bo azadiya Ocalan û girtiyên siyasî yên Kurd ji 25’ê Hezîrana 2012’an ve li ber Konseya Ewropayê pêk tê 387 roj li pey xwe hişt. Çalakiya ji aliyê komeke ji 3 kesan a roja Duşemê ji bajarê Duîsburg ê Elmanya hat berdewam dike.

Endamên koma nû her roj bi sedan belavokan ku belav dikin der barê Rêberê Gelê Kurd û pirsgirêka Kurd de agahdariyan dikin. Di çalakiya ku tevî hewaya germ jî berdewam dike bi taybet ji aliyê turîstên tên bajêr û ciwanan ve rastî eleqeyeke mezin tê. Çalakvanên nobetê, der barê Kampanyaya ji bo Ocalan Azadî belavokên Îngîlizî, Elmanî û Fransî û broşurên bi serenava “Ocalan kî ye?” belav dikin.

“DIVÊ DEWLET PÊVAJOYÊ BAŞ BINIRXÎNE”

Endamên koma nobetê destnîşan kirin ku bi zanebûna Rêberê gelê Kurd Abdullah Ocalan 14 sal e bi awayekî bêedalet esîr tê girtin beşdarî çalakiyê bûne û dan xuyakirin ku divê dewlet pêvajoyê baş bixwîne û ji bo gel pêkve bijîn weke firsendekê bibîne.

“BILA CIWAN JÎ BEŞDARÎ ÇALAKIYÊ BIBIN”

Çalakvanan ji ber ku meha havînê ye jî xwestin ciwan û xwendekar jî piştgiriyê bidin çalakiyê. Çalakvanan dan xuyakirin ku ciwanên bi zimanê Îngilîzî, Elmanî û Fransî zanibin dikarin hîn zêdetir agahdariyan bikin û bigihêjin hîn zêdetir kesan.   

56 HEFTE NE BÊNAVBER BERDEWAM DIKE

Çalakiya nobetê ya bi dirûşmaya ji Rêberê Gelê Kurd Abdullah Ocalan û girtiyên siyasî re azadî di 25’ê Hezîrana 2012’an ve li ber Konseya Ewropayê berdewam dike her hefte ji aliyê komekê ve tê birêvebirin. Ji çar aliyên Ewropayê ku ji gel û nûnerên sazî û dezgehan kes tevlî dibin heta niha 8 hezar û 500 îmze hatine komkirin. Di tevahiya çalakiyê de bi sedhezaran belavok û broşur ku hatin belavkirin her roj der barê pirsgirêka Kurd û rewşa Ocalan de danûstendin û nirxandin tên kirin.