Jîriyê Çêkirî ku van salên dawî ji gelek aliyan ve bandorê li ser jiyana rojane ya mirovan dike, bû mijare romaneke Kurdî ya ji 3 bergan. Nivîskar Ehemdê Sedef pêşketina teknolojiyê bi zimanê romanê vegot.
Jîriyê Çêkirî (Artificial Intelligence) ku di jiyana mirovan de van salên dawî bûye xwedî cihekî girîng, di heman demê de bûye sedema tirs û fikaran ku bandoreke bi çi rengî li ser jiyana pêşerojê ya mirovan bike.
Ev pêşketina teknolojiyê bû mijara romaneke Kurdî ya ji 3 bergan.
Bergê destpêkê yê pirtûkê bi navê "Ez pêşeroj im' hate weşandin.
Nivîskar berhema xwe bi rengekî xeyalî li ser pêşketina teknolojiya pêşerojê hûnandiye.
Pêşketina teknolojiyê û cîgirtina robotan a di jiyana mirovan de û lêgerîna mirovan ji bo peydakirina jiyanê li gerestêrkeke din wê di pêşerojê de çawa bandoê li ser mirovan bike bi rengekî xeyalî hûnandiye û pêşkêşî xwendevanan kiriye.
Lehengên sereke yên nivîskar hemû robot in. Ew robot di nava hewldana avakirina dinyayeke bêşer û demokrat de ne.
Ew carinan xwendevan dibin beriya hezaran salan, carinan dibin çiyayên Kurdistanê û dikin şahidê 74 fermanên li ser Êzidiyan û carinan dibin pêşerojê û li gerestêrkekê de jiyaneke nû pêşberî wan dike.
Nivîskar bergê destpêkê yê romana xwe diyarî keç, jin û zarokên ku ji aliyê DAÎŞ'ê ve hatine revandin û yên hatine rizgarkirin, dike.
Berga duyemîn a romana zanistiya nûjen, civak, dîrok, çand, polîtîka û erdnîgariyê ya nivîskar Ehmedê Sedef bi navê "Pêşgo" hate weşandin.
Ji nav rûpelên vê pirtûkê, berxwedan, bawerî, hêvî, bibiryarî, dilsozî û rastiyek diweşe.
Nivîskar girîngiya jîriya çêkirî ya ji bo mirovahiyê jî bi dilgermiyeke mezin destnîşan dike.
Bergê sêyemîn ê romana Jîriya Çêkirî ya nivîskar Ehmedê Sedef bi navê "Rastgo" hate weşandin.
