Li çiyayên Hîmalaya, ji ber bagera berfê ya ji be tofana Hûdhûdê rû da, tê gotin ku herî kêm 85 kes winda bûne. Rayedarên Nepalî dan xuyakirin ku xebatên lêgerîn û rizgarkirinê ji destê sibehê û vir ve ji nû ve destpê kirine.

Ji ber tofana Hûdhûd a bandor li çiyayên Hîmalaya kir, tê gotin ku herî kêm 85 çiyager, tûrîst û rêberên wan winda bûne.

Rayedaran diyar kirin ku herî kêm cenazeyê 20 kesan hatine dîtin. Lê belê hejmara windahî û miriyan her saet zêde dibe.

Qeymeqamê Mûstangê Babûram Bhandarî da zanîn ku rewşa hewayê baş e û helîkopterên artêşê tevlî xebatên lêgerîn û rizgarkirinê bûne.

Xebatên lêgerîn û rizgarkirinê bi giranî li herêma Thorang-Lan a li nêzî Annapûrnayê tên meşandin. Li bilindahiya 8 hezar metreyî cenazeyê Nepaliyekî, du Polonyayî û Îsraîliyekî hatin dîtin.

8 Nepalî jî li Mûstangê mirî hatin dîtin. Li Manangê jî cenazeyên 4 Qanadiyan û Hîndûyekî hatin dîtin. Her wiha hat hînbûn ku 15 birîndar jî rakirine Nexweşxaneya Katmandoû.