Dîktatorê berê yê Arjantînê generalê berê Jorge Rafael Vîdela yê 87 salî, li girtîgehê mir.

Vîdela yê 87 salî, ji sûcê li dijî mirovahiyê mehkûm bûbû û cezayê heta dawiya temenê xwe li girtîgehê be, lê hatibû birrîn. Rayedaran dan xuyakirin ku, Vîdela bi "ecel" a xwe miriye.

Dîktatorê berê general Vîdela, di dema dîktatoriya leşkerî ya navbera salên 1976 û 1983'an de bi kuştina 31 muxalîfan yekser berpirsyar hat dîtin û cezayê muebbetê le hatibû birrîn. 

Di dîroka nêz a Arjantînê de ew serdem weke dema şerê qirêj tê dîtin û tê zanîn ku di wê demê de zêdeyî 30 hezar kes mirine yan jî li êşkencê rast hatine. Dîktator Vîdela ku di sala 1985'an de ji ber gunehên kuştin, êşkence û sûcên li dijî mirovahiyê cezayê muebbetê girt, di sala 1990'î de bi efûya serokdewletê hingî Carlos Menem, serbest hat berdan.

Lê belê Dadgeha Bilind a Arjantînê, di Nîsana sala 2010'an de biryara sala 2007'an a dadgehekê erê kir û efûya Vîdela hat rakirin û piştî darizandinê sûçdar hat dîtin.