Ji bo hilbijartinên Îtalyayê ku dê rojên yekşem û duşemê pêk bên, demek kin ma. Serokwezîrê berê yê Îtalyayê Sivlio Berlusconi di kêliya dawiyê de hemleyeke balkêş kir. Berlusconi nameyek ji bi milyonan hilbijêrên xwe re şand û soz da ku ew ê baca 20 milyarî ku hukûmeta Mario Monti wergirtibû li gel vegerîne da.

Ji ber nêzîkbûna hilbijartin, ev du hefte ne anket hatine qedexekirin û nayên weşandin. Lê tê payin ku eniya navend-çepgir ya bi rêbertiya Pier Luigi Bersani bi rêjeya 33-37  bi ser bikeve.

Her wiha tê payin ku koalîsyona ji Komkara Bakûr, Gelê Azadiyê (PdL) û partiyên din rastgir ku ji aliyê serokwezîrê berê Silvio Berlusconî ve tê destekkirin jî ji sedî 28-29’ê dengan werbigirin û bibin duwemîn. Berlusconi ku sala 2011 ji serokwezaretê îstîfa kir, piştî hilbijartin nêzîk bûn, sala 2012 biryar da ku careke din vegere siyasetê.

TEVGERA 5 STÊRK DIBE SURPRÎZEK BIBE

Her wiha tê payin ku Tevgera 5 Stêrk a bi pêşengiya sînemevan û komedyen Beppe Grillo rêjeyek baş a dengan bi dest bixe û di meclîsa neteweyî de bibe hêza sêyemîn. Tê payin ku ev tevger ji sedî 15-18’yê dengan werbigire.  Ji ber hilbijartinê anket li Îtalyayê hatin qedexekirin, lê li gorî şîrketa Gallup a DYA’yi Tevgera 5 Stêrk a ku bi projeyên ekolojî, demokrasî, kesk û kar derdikeve pêş ji sedî 20-25’ê dengan werbigire û surprîzekê bike.

Serokwezîrê berê yê Îtalyayê Sivlio Berlusconi di kêliya dawiyê de hemleyeke balkêş kir. Berlusconi nameyek ji bi milyonan hilbijêrên xwe re şand û soz da ku ew ê baca 20 milyarî ku hukûmeta Mario Monti wergirtibû li gel vegerîne da.