Çalereşa ku bi 500 milyon trilyon kîlometreyî dûrî dinyayê ye, bi karekî hevpar ê komek ji teleskopên radyo yên li ser rûyê dinyayê wêneyê wê hatibû kişandin. Ya ku koda vî karî nivîsand û berî her kesî îdîa kir ku tiştekî bi vî rengî dikare bê kirin, zanyara DYE'yî Katie Bouman a 29 salî ye.

Koma ku Katie Bouman pêşengî jê re dikir, bernameyeke komputerê çêkir ku dinya tev mîna teleskopekê bi kar dianî.

Bouman berî 3 salan hîn dema xwendekareke zanîngehê bû, ev alogarîtma nivîsand. Ev alogarîtma jî bi daneyên ji 8 teleskopên li ser rûyê dinyayê hat, kir yek û ji bo van daneyan bike wêne, bi kar anî.

Bouman niha li Enstîtuya Teknolojiyê ya Kaliforniyayê li beşa komputer û zanistiyên matematîkê alîkariya profesor dike.

Çalereşa ku li galaksiya binavê M87 e, bi rêya tevneke hevpar a 8 teleskopên li ser rûyê dinyayê, wêneyê wê hate kişandin. Ji bo amadekirina teleskopê jî 60 sazî û zêdeyî 200 kesên ji 20 welatan hevkarî kirin.

Zanyarên tevlî projeyê bûn diyar kirin, daneyên ji Çalereşê hatin wergirtin, teoriya îzafiyetê ya Albert Einstein gelekî xurt kirine.