Li herêma Pilauco ya li başûrê Şîliyê ku welatekî Emerîka Başûr e, li sîteyeke arkeolojîk beriya niha şopê lingê mirovekî hatibû dîtin. Eşkere bû ku dîroka şopa hatiye dîtin 15 hezar û 600 sal e.

Li gorî lêkolîna li kovara PLOS ONE hate weşandin, li sîteya arkeolojîk a li Pilaucoyê ji sala 2007'an ve lêkolîn tê kirin û şopa lingê mirovan ên demên berê hatin dîtin.

Herî dawî di Adara 2018'an de li eyaleta British Columbia ya Kanadayê şopa mirovan hatibû dîtin û eşkere bûbû ku dîroka wê jî 13 hezar sal e.

Ji jeologan Mario Pino ji rojnameya El Austral de Osorno re axivî û diyar kir li parzemîna Emerîkayê gelek şopên mirovên ji serdemên berê hene. Pino got, tevî vê yekê jî şopa ku dîroka xwe ewqasî kevn e heta niha nehatiye tespîtkirin.