Navenda Ragihandinê ya YPG'ê bi daxuyaniyekî nivîskî nasnameya 8 şervanên xwe yên di navbera 22-25'ê Tebaxê de li Reqa, Dirbesiyê û Şedadê şehîd bûn, eşkere kir.

Daxuyaniya ku li ser malpera fermî ya YPG'ê hatî weşandin wiha ye;

'NÎVÊ BAJARÊ REQA HATIYE RIZGARKIRIN'

"Pêngava Rizgarkirina Reqayê bi pêşengtiya Hêzên Suriya Demokratîk bi awayekî dijwar didome. Ji destpêkirina pêngavê heya roja me ya îro bajarê Reqayê nîvî zêdetir hatiye rizgar kirin û bi vê ve girêdayî bi hezaran sivîlên Reqayê ku ji aliyê çeteyên DAIŞ’ê ve wek mertal dihatin bikaranîn ji aliyê şervanan hatine rizgar kirin. Ji bo tevahî bajar û sivîlên ku destê çeteyan de mane werin rizgar kirin operasyonên şervanan li ser çeteyan berdewam dike.

'5 HEVRÊYÊN ME LI REQA Û 2 HEVRÊYÊN ME LI ŞEDADÊ ŞEHÎD BÛN'
 
Di rojên 22-24’ê Tebaxê de 5 hevrêyên me bi armanca meşandina pêngavê û rizgarkirina sivîlan de li hember çeteyên DAIŞ’ê bi lehengî şer kirine û gihîştine şehadetê. Her wiha çeteyên DAIŞ’ê ji bo astengkirina pêşveçûyîna şervanan a Pêngava Rizgarkirina Reqayê, êrişên xalên YPG û YPJ’ê yê dervê Reqayê dikin. 22-23 Tebaxê de 2 hevrêyên me ku li hember êrîşên çeteyên DAIŞ’ê ya li ser gundê Ebû Xeşeb a girêdayî Şedadê de ber xwe dan û êrîşên çeteyan têkbirin bi qehremanî şehîd bûne.

'HEVRÊYÊ ME EGÎD LI DIRBÊSIYÊ JI BER QEZAYEKÊ ŞEHÎD BÛ'
 
Hevrêyekî me ku li Dirbêsiyê erkê xwe pêk dianî di encama qezaya trafîkê de tevlî karwanên şehîdan bûye.
 
Em YPG û YPJ hemû şehîdên xwe ku bi xwîna xwe nirxên pîroz avakirine û bûne nirxên herî pîroz bi rêzdarî bibîrtînin û ji bo malbatên şehîdan û gelê me yê welatparêz re sersaxiyê dixwazin. Bi rizgarkirina Reqayê re yekîtiya gelan hîn xurttir bikin û welatekî aram ava bikin, soza xwe nû dikin.

Nasnameyên pakrewanan wiha ye:

 

 

Nasnav: Azad Erîşe

Nav û Paşnav: Mehmûd El Salih

Navê Dayikê: Cemîle

Navê Bav: Ehmed

Cihê Ji Dayikbûnê: Hesekê

Cih û Dîroka Şehadetê: Şedadê, Gundê Ebû Xeşeb / 22 Tebax 2017

 

 

Nasnav: Delîl Hesekê

Nav û Paşnav: Musa Xidir

Navê Dayikê: Sebha

Navê Bav: Samir

Cihê Ji Dayikbûnê: Hesekê

Cih û Dîroka Şehadetê: Reqa / 22 Tebax 2017

 

 

Nasnav: Egîd Dirbêsiyê

Nav û Paşnav: Fuat Mihemed

Navê Dayikê: Zelîxa

Navê Bav: Ehmed

Cihê Ji Dayikbûnê: Dirbêsiyê

Cih û Dîroka Şehadetê: Dirbêsiyê / 25 Tebax 2017

 

 

Nasnav: Egîd Hesekê

Nav û Paşnav: Leyis Xidir Mihemed

Navê Dayikê: Emîne

Navê Bav: Xidir

Cihê Ji Dayikbûnê: Hesekê

Cih û Dîroka Şehadetê: Reqa / 22 Tebax 2017

 

 

Nasnav: Esed Amed

Nav û Paşnav: Ismaîl Mihemed

Navê Dayikê: Hemra

Navê Bav: Casim

Cihê Ji Dayikbûnê: Hesekê

Cih û Dîroka Şehadetê: Reqa / 22 Tebax 2017

 

 

Nasnav: Misheb Şedadê

Nav û Paşnav: Ehmed Himid Mihemed

Navê Dayikê: Emşa

Navê Bav: Himid

Cihê Ji Dayikbûnê: Şedadê

Cih û Dîroka Şehadetê: Şedadê, Gundê Ebû Xeşeb / 23 Tebax 2017

 

 

Nasnav: Rojhat Kurtalan

Nav û Paşnav: Davut Kîlvan

Navê Dayikê: Nadîre

Navê Bav: Yusuf

Cih û Dîroka Şehadetê: Reqa / 24 Tebax 2017

 

 

Nasnav: Şervan Hesekê

Navê Dayikê: Remedan Mensur Qirêş

Navê Dayikê: Xedîce

Navê Bav: Mensur

Cihê Ji Dayikbûnê: Hesekê

Cih û Dîroka Şehadetê: Reqa / 22 Tebax 2017