Rewşa kesên ji ber êrîşa dewleta Tirk birîndar bûne giran e. Rêveberê Nexweşxaneya Avrînê Azad Reşo diyar kir ku ji ber ambargoya hikûmeta Şamê, ew nikarin cîhazên tibî û pêdiviyên tenduristiyê peyda bikin.
Di encama bombebarana artêşa Tirk a dagirker a li ser gundê Tinib ê navçeya Şera ya Efrînê de, zarokê bi navê Eseed Mihamêd (16) şehîd bû, zarokên bi navê Xalid Şêx Taha (16) û Ehmed Mihamêd (18) jî birîndar bûn. Birîndar destpêkê rakirin Nexweşxaneya Til Rifet û piştre jî rakirin Nexweşxaneya Avrîn a kantona Şehbayê.
Rêveberê Nexweşxaneya Avrîn Azad Reşo ragihand ku ji ber ew nikarin cîhazên tibî û pêdiviyên tenduristiyê peyda bikin, birîndar rakirine bajarê Helebê.
Reşo da zanîn ku hin welatî bi sivikî birîndar bûne.
Reşo diyar kir ku, ji ber ambargoya Tûgaya 4’an a hikûmeta Şamê ku rê nedan derman û pêdiviyên tenduristiyê derbasî kantona Şehbayê bibin, ew nikarin birîndaran derman bikin.
