Fermandariya Giştî ya Hêzên Sûriyeya Demokratîk (QSD) bi daxuyaniyekê bîlançoya êrişên ji duh ve yên dewleta Tirk a dagirker ên li ser Bakur û Rojhilatê Sûriyeyê eşkere kir.

Daxuyaniya QSD’ê wiha ye:

′′Dewleta Tirk a dagirker duh êrişeke berfireh li dijî herêmên Bakur û Rojhilatê Sûriyeyê da destpêkirin û çalakiya li Enqereyê wekî hincet nîşan da, lê têkildarî tawanên li dijî hêzên me ku yên çalakî kirine ji herêmên me ne, tu delîl nin in.

Di êrişa nemerdane ya xedar de piraniya saziyên xizmetguzarî, aborî, stasyonên enerjiyê (Petrol û Kehrebe), av, hin baregehên leşkerî, îşaetên medenî û gundên tijî sivîl hatin hedefkirin.

Dewleta Tirk a dagirker bi van êrişên xwe yên dijminane hewl dide qeyranên xwe yên civakî, aborî û siyasî yên li Tirkiyeyê binixumîne û derxîne derve. Ji vê zêdetir her tim hewl dide dagirkeriya xwe rewa bike.

Dewleta Tirk a dagirker di êrişên xwe yên dijminane de, zêdetirî 30 balafirên bê mirov ên bi çek bi kar anîn û di saetên êvar û şevê de piraniya herêmên Bakur û Rojhilatê Sûriyeyê bi balafirên şer kirin hedef. Her wiha deverên niştecihan, navendên xizmetguzariyê û yên sivîl bi çekên giran topbaran kir. Li dijî gundewarên başûrê Efrînê, herêmên Şehba, Minbic, Kobanê, Eyn Îsa, Til Temir, Zirgan, Hesekê, Qamişlo, Amûdê, Tirbespiyê, Çilaxa û Dêrikê êrişên hewayî pêk anîn. Di encamê de hejmareke sivîl û leşker şehîd bûn û bi dehan jî birîndar bûn. Her wiha ziyanên mezin bi navendên xizmetguzariyê bûn.

Ev êrişên xedar ên dewleta Tirk a dagirker tevahî erdîngariya Sûriyeyê û tevahî pêkhate û gelên herêmê bi Kurd, Ereb û Suryanên xwe dike armanc.  Li aliyekî din rêxistina DAÎŞ a terorîst zindî dike û hêzê dide wê da ku çalakiyên xwe yên terorî zêde bike. Ev yek jî xetereyeke mezin li ser herêmê û tevahî cîhanê çêdike.

Em diyar dikin ku hêzên me (Hêzên Sûriyeya Demokratîk) mîsyon û erka xwe ya parastina gel û ewlehiya xaka xwe pêk tînin. Ev êriş û dijminatî israra me ya parastina herêmên me û xelkê me zêdetir dike.

Em tevahî gelên herêmê silav dikin ku li hemberî êrişên hovane yên dewleta Tirk a dagirker sekinîne. Ev yek nîşan dide ku ruxmî êrişan gelê me bi xak û axa xwe ve girêdayî ye.

Her wiha em teqez dikin ku em ê bersiva tevahî êrişên li ser ewlehî û aramiya herêmên xwe bidin. Çalakiyên ku hêzên me duh kiribûn di çarçoveya bersiva li hemberî êrişên dewleta Tirk a dagirker ên li ser herêmên me pêk hat.

Hêzên Koalîsyona Navneteweyî duh droneke dewleta Tirk a dagirker ku nêzî baregeheke wê bibû kir hedef. Lê ji koalîsyon û Rûsyayê tê xwestin ku helwesteke zelal li hemberî êrişên dewleta Tirk a dagirker ên li ser sivîl, saziyên xizmetguzarî û medenî yên giştî bidin.

Bîlançoya êrişan wiha ye:

Hejmara şehîdan: 15. Di nav de 8 sivîl, 6 endamên Hêzên Ewlekariya Hundirîn ku bi parastina deverên xizmetguzariyê erkdar in, şervanekî QSD′ê hene. Her wiha hejamarek birîndar bûn.

1-BAJAROKÊ TIL TEMIRÊ Û GUNDEWARÊ WÊ:

-Balafira bê mirov a bi çek a dewleta Tirk a dagirker saet di 11:30′an de stasyona avê ya li gundê Tewîla bombebaran kir. Di encamê de ziyanên madî çêbûn. Di heman demê de balafireke din a bê mirov a bi çek gundê Rikuba kir hedef û ziyanên madî çêbûn.

-Saet di 14:40′an de balafireke bê mirov a bi çek a dewleta Tirk a dagirker baregeha hêzên ma ya li nêzî gundê Dirdara bombebaran kir û di encamê de ziyanên madî çêbûn.

2-Bajarokê Amûdê û gundewarê wê:

- Saet di 11:00′an de balafireke bê mirov a bi çek a dewleta Tirk a dagirker gundê Til Hebeşê bombebaran kir. Di encamê de 6 endamên Hêzên Ewlekariya Hundirîn şehîd bûn û 2 endam birîndar bûn.

-Saet di 15:30′an de balafireke bê mirov a bi çek a dewleta Tirk a dagirker stasyona ceyranê ya li Amûdê bombebaran kir.

-Saet di 16:00′an de, dewleta Tirk a dagirker bi hawan û obîsên giran gundên Bobî û Dabat Ebdullah û Mişêrfê topbaran kirin.

3-Bajarê Qamişlo û gundewarê wê:

-Dewleta Tirk a dagirker saet di 14:30′an de bi balafireke bê mirov a bi çek stasyona ceyranê ya li Qamişlo kir hedef. Di encamê de ziyanên madî çêbûn.

-Saet di 15:30′an de artêşa Tirk a dagirker bi balafireke bê mirov a bi çek depoyeke pîşesaziyê bombe kir û ziyanên madî bi depoyê bûn.

-Saet di 21:00′an de dewleta Tirk a dagirker bi balafireke bê mirov a bi çek înşaetek bombebaran kir.

-Saet di 22:00′an de dewleta Tirk a dagirker bi balafireke bê mirov a bi çek aşê bûzê ya li derdora gundê Girbawî bombebaran kir.

-Saet di 12:30′an de gundê Til Xatûn û saet di 13:33′an de bajarokê Tirbespiyê bi balafirên bê mirov ên bi çek hatin bombebarankirin. Saet di 16:30′an de jî stasyona petrolê ya li gundê Mizgefê bi balafireke bê mirov a bi çek hat bombekirin. Di encamê de ziyanên madî çêbûn.

-Saet di 16:25′an de cihekî aborî ji aliyê balafira bê mirov a bi çek a dewleta Tirk a dagirker hat bombekirin û ziyanên madî çêbûn.

-Di saetên êvarî de li Tirbespiyê 4 deverên petrolê bi balafirên bê mirov ên bi çek hatin bombebarankirin. Di encamê de sivîlek şehîd bûn. Her wiha yek jê zarok bi giştî 5 kes birîndar bûn.

-Stasyona ceyranê ya li Tirbespiyê hat hedefkirin û ji xizmetê derket.

4-BAJARÊ DÊRIKÊ Û GUNDEWARÊ WÊ:

-Saet di 10:30′an de balafireke bê mirov a bi çek a dewleta Tirk a dagirker derdora Bendava Çilaxa bombebaran kir.

-Saet di 13:00′an de stasyona Al Qews ji aliyê balafira bê mirov a bi çek a dewleta Tirk a dagirker hat hedefkirin û ziyanên madî çêbûn.

-Di saetên êvarî de gundên Xana Serî û Sêgirka û stasyona ceyranê yên li bajarokê Çilaxa 7 caran ji aliyê balafirên şer ên dewleta Tirk a dagirker hatin bombebarankirin. Her wiha nexweşxaneya Korona ya li gundê Girê Vira bi balafirên şer ên dewleta Tirk a dagirker hat hedefkirin. Di encamê de 2 karkerên nexweşxaneyê birîndar bûn.

- Stasyona derxistina ceyranê ya li Siwêdiyê 8 caran bi balafirên bê mirov ên bi çek hat bombekirin û ji xizmetê derket.

BAJARÊ HESEKÊ:

-Saet di 8:00′an de balafirek bê mirov a bi çek a dewleta Tirk a dagirker kargeha remlê ya nêzî gundê Mişêrfê bombebaran kir. Di encamê karkerekî şehîd bû û 3 karkerên din birîndar bûn.

- Saet di 09:30′an de balafireke bê mirov a bi çek a dewleta Tirk a dagirker erebeyek bombebaran kir. Di encama bombebaranê de 2 şervanên me  bi sivikî birîndar bûn.

-Saet di 11:00′an de balafirek bê mirov a bi çek  derdora kampa Waşûkanî ya koçberên Serêkaniyê kir hedef. Di encamê de sivîlek şehîd bû û 2 sivîl birîndar bûn.

6-HERÊMA FIRATÊ:

- Saet di 10:45′an de dewleta Tirk a dagirker bi balafireke bê mirov a bi çek li bajarokê Çelebiye yê navçeya Eyn Îsayê  motorsîklêtek bombebaran kir. Di encama bombebaranê de 2 sivîl şehîd bûn û 2 birîndar bûn.

- Saet di 10:45′an de dewleta Tirk a dagirker bi balafireke bê mirov a bi çek bajarokê Sirînê bombebaran kir. Di encamê de sivîlek şehîd bû û 2 sivîl birîndar bûn.

- Baxçeyên sebzeyan ên li nêzî bajarokê Sirînê bi balafireke bê mirov a bi çek hat bombebarankirin. Di encamê de 2 karkerên sivîl şehîd bûn.

7-MINBIC

Artêşa Tirk a dagirker bi çekên giran û obîsan gundên Girhiyok, Kokilî, Qertwêran, Mihsinlî, Seyada, Ewn Dadat, Cat, Şêx Yehya û Qereqozaq topbaran kirin. Di encamê de şervanekî Meclisa Leşkerî ya Minbicê şehîd bû.

 8-Gundewarê başûrê Efrînê û herêmên Şehbayê:

-Artêşa Tirk a dagirker nuqteya hêzên hikumeta Şamê ya li gundê Meyasa yê navçeya Şêrawayê bi balafira bê mirov a bi çek bombebaran kir. Di encamê de 2 leşkerên hêzên hikumeta Şamê birîndar bûn.

-Dewleta Tirk a dagirker gundê Zîwanê yê Şehbayê bi çekên giran topbaran kir.

-Dewleta Tirk a dagirker derdora navçeya Til Rifetê ya herêma Şehbayê bi çekên giran topbaran kir.

- Artêşa Tirk a dagirker gundê Meranaz ê navçeya Şerayê yê başûrê Efrînê, herêma navbera gundên Til Cemal û Ziyaretê yên navçeya Şêrawayê bi çekên giran topbaran kir.

- Artêşa Tirk a dagirker bi çekên giran gundên Meyase, Gundê Mezin, Kalûta, daristana Soxanekê û Bênê yên navçeya Şêrawayê, her wiha gundên Meranaz, Şewarxa û Kiştar ên Şerayê yên  li başûrê Efrînê bi çekên giran topbaran kirin.′′