Navenda Ragihandinê ya Hêzên Sûriya Demokratîk (QSD) agahiyên din der barê roja sêyemîn a operasyona “Xurtkirina Ewlehiyê” de li ser malpera xwe ya fermî parve kir.

Navendê da zanîn ku 3 çeteyên DAIŞ`ê hatin girtin û di nav wan de serçeteyek heye. Ev çete bi hinek çeteyên din re li gundê Seda yê li ser rêya di navbera bajarokê El Sewr û Megredeyê de li bakurê Dêrazorê êriş dewriyeyeke QSD`ê kirin.

Li gor navendê, hêzê çekên di destê êrişkeran de desteser kirine. Herwiha eşkere kir ku di êrişê de şervanek û jinek şehîd bûne û gelek gundî birîndar bûne.

Bi vê daneyê re hejmara çeteyên ku QSD`ê ji destpêka operasyonê ve di 27`ê Tebaxê de, girtina gihişt 11 çeteyan û 8 bazirganên narkotîkê û 3 çeteyên êrişker hatin kuştin.