Endamê Desteya hevserokatiya Partiya Yekitiya Demokratîk (PYD) Foza Yusif di pîrozbahiya Newroza Qamişloyê de axivî û got: “Em Newrozê li Rêber Abdullah Ocalan, gerîla, girtiyên di girtîgehên dewleta Tirk a faşîst de, Hêzên Sûriya Demokratîk (QSD) û gelên herêm pîroz dikin.”

Foza Yusif di axaftina xwe de bang li Partiya Demokrat a Kurdistanê (PDK) û hêzên kurdistanî kir ku bi kurdan re hevgirtî be da ku hemû komployên dijmin têk bibin û dagirkerî têk bibin.

Her wiha Foza Yusif bang li hikumeta Şamê kir ku dev ji siyasetên înkarkirinê berde ji ber ku êdî dem dema çareserkirina siyasî ya aloziya Sûriyê û avakirina Sûriyeyeke demokratîk e.

Foza Yusif di axaftina xwe de pêwîstiya hevgirtina hêzên demokratîk li Sûriyê destnîşan kir ku da ku hemû herêmên dagirkirî rizgar bibin, jiyaneke azad pêk were û destûreke demokratîk ava bibe û dagirkerî tune bibe.

Seroka Desteya Rêveber a Meclisa Sûriya Demokratîk (MSD) di axaftina xwe de di şahiya Newroza herêma Efrînê de li ser pêwîstiya mezinkirina têkoşînê destnîşan kir û got divê Newroz bibe Newroza azadiya fîzîkî ya Rêberê Gelê Kurd Abdullah Ocalan û rizgarkirina herêmên dagirkirî.

Îlham wiha domand: “Em Newrozê li şehîdan, gelê kurd, cîhanê û şervanên li eniyên şer pîroz dikin.”

Îlham Ehmed di axaftina xwe de got: “Partiya Karkerên Kurdistanê (PKK) ji bo gelên bindest Newroz û hêviya bidestxistina mafê xwe ye. Ji 50 salî ve, partî bi pêşengiya serok Apo ji bo bidestxistina jiyeneke bi rûmet, tê dikoşe.”

Îlham Ehmed destnîşan kir ku bi saya berdêlên şehîdan, siyasetên qirkirin û înkarkirinê têk çûn û got: “Ji ber wan fedakariyên serokên dewletên mezin ev boneya dîrokî pîroz kir û bi saya wan şehîdan di nav azadiyê de ne.”

Îlham daxuyand ku ew dev ji vê rêya rast bernadin û wê bi israra xwe rêya ber bi azadiyê ve temam bikin.

Îlham got: “Em ê teqez her bosteke axa dagirkirî rizgar bikin, berxwedana we li Şehbayê delîla israra me ya girêdana bi axa xwe ye. Bi saya berxwedan û vîna xwe em ê bi ser kevin.”

Îlham di dawiya axaftina xwe de got: “Îsal wê bibe sala azadiya fîzîkî ya Rêber Abdullah Ocalan û naskirina hebûna gelê kurd li cîhanê ye. Divê em dengê xwe bilind bikin, daxwazên xwe zêde bikin û divê em xwe li cîhanê ferz bikin. Na ji parçebûnê re. Ji mafê me ye ku bi azadî û rûmet bijîn, ji ber ku em gelekî durist in.”