Tevgera Ciwanên Şoreşger a Sûriyeyê li navçeyên Tirbespiyê û Çilaxa yên Qamişloyê bi xwepêşandanekê tecrîda li ser Rêberê Gelê Kurd Abdullah Ocalan şermezar kir û piştgiriya xwe ji hêzên gerîla re nîşan da.

Xwepêşandan li pêşiya navenda tevgera ciwanan a li rojavayê Tirbespiyê dest pê kir û li tevahî sûka navendî geriya.

Li dawiya sûka navendî xwepêşandan veguherî mîtîngê, li wir endamê tevgerê Mihemed El Meyah axivî û got: "Tecrîda li dijî Rêber Ocalan li dijî hemû gelên herêmê ye û hêzên gerîla li dijî vê siyasetê mertal in."

El Meyah wiha domand: "Em ciwan bi fikir û felsefeya Rêber Ocalan ve girêdayî ne û li dijî hemû projeyên dagirkeriyê bi hêzên gerîlayan re ne."

Xwepêşandan bi dirûşmeyên silavkirina berxwedana gerîla bi dawî bû.