SOHR'ê got, "Îsraîlê li herêma Hamra ya Hûmsê êrîş bir ser avahiyekê. Di êrîşê de sê jê sivîl (jinek, zarokek û mêrek) pênc kes mirin, heft kes jî birîndar bûn." Hate ragihandin ku avahiya bû hedefa êrîşê bi temamî hilweşiya.

Wezareta Parastinê ya Sûriyeyê jî ragihand ku li bajarê Hûmsê û derdora wê bombe li çend hedefan hatiye barandin û "Gelek sivîl mirin, gelek jî birîndar bûn."

Ji sala 2011'an dema destpêkirina şerê navxweyî yê Sûriyeyê û vir ve Îsraîl êrîşê dibe ser hedefên artêşa Sûriyeyê û hevalbendên hikumeta Şamê Hîzbûllah a Lubnanê û hêzên ser bi Îranê ve.

Êrîş ji 7'ê Cotmehê dema destpêkirina şerê navbera Îsraîl û Hamasê û vir ve zêde bûn.

Li gorî SOHR'ê di dawiya meha Çileyê de li nêzî Şamê di êrîşên Îsraîlê de endamên milîsên alîgirê Îranê jî di nav de 8 kes mirin.