Li Eyn Îsa bi sedan kes ji bo azadiya Rêberê Gelê Kurd Abdullah Ocalan daketin qadan.

Bi sedan şêniyên Eyn Îsa û koçberên Girê Spî beşdarî xwepêşandana ku ji aliyê Tevgera Ciwanên Şoreşger ên Sûriyê ve hatibû organîzekirin, bûn.

Gel ji Çarxerêya Dîsîplîna Leşkerî dest bi xwepêşandanê kir û li cem Çarxerêya Şehîd Cûdî rawestiyan. Di çalakiyê de pankartên bi nivîsa "Azadiya Rêber Ocalan mifteya azadiya gelan e û çareseriya krîza li herêmê ye" û wêneyên Rêberê Gelê Kurd Abdullah Ocalan hatin hilgirtin.

Li ser navê Navenda Herêma Firatê ya Tevgera Ciwanên Şoreşger a Sûriyeyê Mihemed Mehmûd axivî û tecrîd şermezar kir.

Mehmûd, destnîşan kir ku dewleta Tirk ji fikrên ku Rêberê Gelê Kurd Abdullah Ocalan ji bo rizgarkirina gelan daniye û pratîzekirina wî fikrî ditirse û got, “Em bi îdeolojî û fikrê Rêberê enternasyonalîst xwe bi çek dikin. Em ê bi ruhê berxwedanê tecrîdê bişikînin û planên dijberî gelên Sûriyeyê pûç bikin.”

Xwepêşandan bi dirûşmeyên “Bê Serok Jiyan Nabe”bi dawî bû.