Qonaxa duyemîn a Berxwedana Serdemê dewam dike. Şervanên YPG/YPJ'ê li Efrînê hin çalakî pêk anîn. Di çalakiyan de gelek leşker û çete hatin kuştin.

Çalakiya destpêkê ya şervanên YPG/YPJ'ê li gundê Tirindê hate lidarxistin ku bi kîlometreyekê dûrî Efrînê ye. Li benda kontrolê ya li pêşiya gund teqînek çêbû û gelek çeteyên Tirk ên ser bi Lîwa El-Şemal El Sûrî û Tûgaya 23'an hatin kuştin.

Hêzên YPG û YPJ'ê li Çiyayê Ehlamê jî li wesayiteke leşkerî xistin û wesayit îmha kirin. Di vê çalakiyê de jî gelek çete hatin kuştin.

Çavkaniyên herêmî ragihandin ku balafirên şer ên Tirk li ser herêma çalakiyên firiyane. Artêşa Tirk a dagirker topan li bejahiya navçeya Şêrawa û Çiyayê Ehlam dibarînin.

Tê gotin, Navenda Ragihandinê ya YPG'ê wê li ser çalakiyan daxuyaniyekê bidin.