Navenda Ragihandinê ya Hêzên Sûriyeya Demokratîk (QSD) bi daxuyaniyekê ragihand ku li Dêrazorê qedexeya derketina derve hatiye ragihandin. Qedexeya derketinê serê sibê dest pê bike û 48 saetan dewam bike.

Di daxuyaniyê de wiha hate gotin: ′′Ji ber rewşa ewlehiyê ya ku gundên rojhilatê Dêrazorê tê re derbas dibin, her wiha ji ber ku komên çekdar ên girdêdayî saziyên ewlehiyê yên rejîmê û şaneyên DAÎŞ′ê hewl didin fitneyê li herêmê belav bikin û sivîlan ber bi planên xwe yên qirêj ve bikişînin, Meclisa Sivîl a Dêrazorê û Hêzên Ewlekariya Hundirên qedexeya derketinê li herêma Dêrazorê radighîne. Qedexe sibe (2′yê Îlonê) saet di 05:00′an de dest pê bike û 48 saetan dewam dike.′′

QSD′ê diyar kir ku ew e jiyana sivîlan û milkên wan ji komên çete yên çekdar biparêzin û wê nehêlin çete xwe di nava sivîlan de veşêrin.

QSD′ê di 27′ê Tebaxê de, operasyona ′Xurtkirina Ewlehiyê′ li dijî çeteyên DAÎŞ′ê, kesên hewl didin tevliheviyan derxin û hişbirê belav dikin, da destpêkirin.