Li Bakur û Rojhilatê Sûriyeyê 2 kesên din ji ber vîrûsa koronayê mirin
Li Bakur û Rojhilatê Sûiryeyê di nava 24 saetên dawî de 2 kesên din ji ber vîrûsa koronayê jiyana xwe ji dest dan. Hejmara mirovên bi nexweşiyê ketine jî 2 hezar kes derbas kir.
Hevserokê Desteya Tenduristiyê ya Bakur û Rojhilatê Sûriyeyê Ciwan Mistefa li ser rewşa dawî ya herêmê daxuyaniyek da.
Di daxuyaniyê de hate ragihandin ku 2 kesên din ên bi vîrûsa koronayê ketibûn jiyana xwe ji dest dane û 48 kesên din bi vîrûsê ketine.
Bi van daneyan re hejmara kesên ku li herêmê bi koronayê ketine, gihaşt 2 hezar û 46 kesan, jê 73 nexweş mirine û 516 nexweş baş bûne.
