Komxebata Eşîrên Sûriyey ku li navçeya Eyn Îsa ya Kantona Girê Spî a Meclîsa Sûriyeya Demokratîk (MSD) bi xwendina encamnameyê bi dawî bû.

Fermandarê Giştî yê QSD’ê Mazlûm Ebdî, Hevseroka MSD’ê Emîne Ûmer, Hevseroka Konseya Rêveber a MSD’ê Îlham Ehmed, li gel nûnerên partiyên siyasî, dîsa Rêveberiya Xweser a Bakur û Rojhilat 70 eşîr û nûnerên qebîleyan di komxebatê de amade bûn.

Encamnameya komxebatê ji aliyê lîderê eşîra Bagera Esed El-Beşîr ve hate xwendin.

Li ser van bendên di encamnameyê de hate xwendin li hev kirin pêk hatiye:

- Yekîtiya xak û gelê Sûriyê û tinekirina hemû cûre dagirkeriya Tirkiyê li herêmên Sûriyê Cerablûs, Ezaz, Babê, Colan û Idlibê, rizgarkirina Efrînê û vegera ewlehî û armaniyê ji bo gelê wê.

-Di çareserkirina aloziya Sûriyê de têgihiştina berpirsyariya hevbeş û pêkanîna aştiyê li gelemperiya Sûriyê.

-Hewl bê dayîn ku bermahiyên şerê çekdarî were bidawîkirin û jiyaneke ji bingehê biratiya gelan û jiyana hevbeş ku layîqî gelê Sûriyê be were afirandin.

-Damezirandina Sûriyeyek ne navendî û pergaleke siyasî û demokratîk ji hemû pêkhateyên herêmên.

-Destûra Sûriyê divê demokratîk be ku ji aliyê hêz hemû û beşên civaka Sûriyê were erêkirin.

-Li dijî terorê xeta têkoşînê were domandin û kaniya wê ya fikrî, malî û madî were zuhakirin, her wiha kesên sûcên ne mirovî kirin li gorî qanûnan werin cezakirin.

-Bi mebesta pêkanîna guhertina ber bi demokrasî û geşkirina Sûriyê xebateke hevpar were kirin.

-Bawerî bi nirxên demokrasî, maf û azadiya welatiyan bê kirin.

-Hemû cûre nejadperestî, netewperestî, olperestî û zayenperestî were redkirin.

-Em ê destekdayîna xwe ya bi Hêzên Sûriyeya Demokratîk di şerê wê yê li dijî terorê de dewam bikin û wekî beşeke sereke di çarçeserkirina aloziya Sûriyê de dibînin.

-Em ê destekdayîn bi Rêveberiya Xweser û Sivîl a Bakur û Rojhilatê Sûriyê dewam bikin.

-Ji bo pêkanîna aştiyê destê me dirêj e, çeka me li hemberî kesên ku hewl didin aramî, aştî û jiyana hevbeş a civaka Sûriyê bike hedef vekiriye.

-Civaka navdewletî jî avakirina herêmên nû ji terorê hatin rizgarkirin berpirsyar e, di nav deherêmên rojhilatê Firatê."

- Em banga vegerê li hemû welatiyên Sûriyê yên beriya aloziyê an jî di dema aloziyê de derketine dikin."

Di dawiya komxebatê de rûspiyan Fermandarê Giştî yê QSD‘ê Mezlûm Ebdî xelat kirin.