Di daxuyaniyê de ya ku li ser malpera Hêzên Ewlekariya Hundirîn hate weşandin, ev agahî hatin parvekirin:

"Di 5’ê Kanûnê saet di 08:00ʹan de di wesayîtekê de mayînek hate teqandin. Şaneyeke terorîst mayinek di wesayîta mamoste û karmendên saziya perwerdeyê de bi cih kiribû.

Di encama teqînê de ziyanên madî çêbûn û ajokarê wesayîtê birîndar bû. Ajokar ji bo dermankirinê rakirin nexweşxaneyê.

Hêzên me demildest dest bi lêpirsînkirina vê kiryara terorîst kir da ku sûcdaran sewqî edaletê bike.

Dewleta Tirk a dagirker têkbirina ewlehî û îstîkrarê, koçberkirina welatiyan û hedefgirtina saziyên xizmetguzariyê ji xwe re kiriye armanc û şaneyên terorîst belav dike da ku sûcan li dijî gelê me pêk bîne."