Yek ji fermandarê QSD’ê Çiya Firat, derbarê Qonaxa Bidawîkirina Terorê ya Bagera Cizîrê de li Heqîl Omer a li Dêrazorê civîna çapemeniyê li dar dixe.

Çiya Firat got ku li Baxoza Jorîn dora çeteyên DAÎŞ’ê hatine girtin û got ku, “Çeteyên DAÎŞ’ê li qadeke 600-700 metrekareyan mane. Ji ber ku DAÎŞ sivîlan ji xwe re dike mertal, hêzên me hêdî bi pêş ve diçin.”

Firat diyar kir ku piştî demeke kurt  ew ê mizgîna têkçûna DAÎŞ’ê bidin cîhanê.

10 GIRTÎ HATIN RIZGAR KIRIN

Çiya Firat diyar kir ku hejmarek esîrên wan di destê çeteyên DAIŞ`ê de hene û îro ji wan 10 kes rizgar kirine.

Fermandar Çiya Firat diyar kir ku wan bi hezaran sivîl bi rêya korîdorên ewle yên ku vekirine, rizgar kirin û alîkarî ji wan re peşkêş kirin.

Çiya Firat destnîşan kir ku ew ê di nêzîktirîn demê de mizgîniya bidawîbûna dagirkeriya DAÎŞ’ê bidin pêkhateyên herêmê û  tevahiya cîhanê.

Çiya Firat di dawiyê de wiha got: "DAÎŞ di çend rojan de tune nabe. Wê têkoşîna me ya ji bo tunekirina şaneyên veşartî yên DAÎŞ`ê  bidome.”