Fermandarê Minbicê Ebû Emced li Reqayê şehîd bû
Fermandariya Giştî ya Hêzên Sûriyeya Demokratîk – QSD’ê bi daxuyaniyeke nivîskî eşkere kir ku Fermandarê Giştî yê Meclîsa Leşkerî ya Minbicê Ednan Ebû Emced şehîd bûye.
Fermandariya Giştî ya Hêzên Sûriyeya Demokratîk – QSD'ê di malpera xwe ya fermî de ragihand ku Fermandarê Giştî yê Meclîsa Leşkerî ya Minbicê Ednan Ebû Emced 29'ê Tebaxê di Pêngava Rizgarkirina Reqayê de şehîd bûye.
Fermandariyê di daxuyaniyê de got, wê tola Ebû Emced were hilanîn.
Ebû Emced li Kobanê, Minbic, Bakurê Sûriyeyê û li herêmên Rojava di şerê dijî DAIŞ’ê de, di têkoşînê de fermandarî kiribû.
