Hat zanîn ku çeteyên Sûltan Mûrad ên girêdayî dewleta Tirk, di roja 18’ê Gulanê de li gundê Îkidam a girêdayî navçeya Şerayê ya Efrînê, kesekê bi navê Selah Reşo revandiye.

Li gorî agahiyên hatî bidestxistin, Selah Reşo ê ji ber êrîşên dagirkeriyê yên li ser Efrînê koç kiribû, li ser soz û garantiyên derewîn ên dewleta Tirk û çeteyên wê bi malbata xwe re ber bi gund ve çûye lê di ketina gund de ji aliyê çeteyan ve hat revandin.

Gelek ENKS’yiyên ku çavên xwe li sûc û êşkenceyên artêşa Tirk û çeteyên girêdayî wê digirin, hewl didin gelê ku ji cihê xwe hatî derxistin razî bikin ku vegerin Efrîna dagirkirî.