Li Efrîna ku ji Adara 2018’an ve di bin dagirkeriyê de ye, her roj sûcên şer tên kirin.

Ji bilî revandin, êşkence, girtinên kêfî, ferzkirina fîdye û gefan, debara bingehîn û dewlemendiya xwezayî ya gel bi rengekî sîstematîk tên talankirin.

Li gorî agahiyên hatine wergirtin, çeteyên Feyleq El-Şam ên girêdayî dewleta Tirk 200 darên zeytûnan ên welatiyê bi navê Cemo Omer ê ji navçeya Şêrawa birîn.

Li navçeya Şiyê jî hate zanîn ku çeteyê bi navê Mihemed Casim Ebû Emşe û birayê wî Elemdar 800 dolar bac li şêniyên kurd birîne ku li navçeyê mane û jê derneketine.