Bi sedan welatiyên navçeya Til Hemîsê ya Qamişlo cenazeyê şervanê YPG’ê Heyder El-Elî (Lewend Qamişlo) ji navenda  Meclîsa Malbatên Şehîdan a taxa Enteriyê ya bajarê Qamişlo wergirtin û bi kerwanekî wesayîtan ber bi goristana Şehîd Raxib El-Etiyê ya gundê Salihiyê ya navçeya Til Hemîsê ve ktin rê.

Li goristanê merasîm bi deqîqeyek rêzgirtinê dest pê kir. Piştre merasîmeke leşkerî ji aliyê şervanan ve hate lidarxistin. Li ser navê Rêveberiya Meclîsa Malbatên Şehîdan Mİhemed Xilêwî û Hevserokê Meclîsa Navçeya Til Hemîsê Salih El-Xelef sersaxî ji malbata şehîd re xwestin û soza şopandina rêya şehîdan da.

Piştî wesîqeya şehadetê hate xwendin û radestî malbata şehîd hate kirin. Welatiyan cenazeyê şervanê YPG’ê Heyder El-Elî (Lewend Qamişlo) bi dirûşme û tilîliyan li goristanê veşartin. Şervanê YPG‘ê Heyder El-Elî (Lewend Qamişlo) 7‘ê Tebaxa 2018’an li navçeya Til Birakê di encama qezayeke trafîkê de şehîd bû.