Bi sedan ji welatiyên Efrînê û Şehba yê cenazeyê şervanê YPG'ê Serbest Omer (Çiya Kurd) ê ku di encama nexweşiyê de li nexweşxaneyê Helebê de şehîd bûbû, ji avahiya nexweşxaneya Avrîn ya navçeya Fafînê wergirtin û ber bi Goristana Şehîdên Serdemê ya navçeya Ehrezê ve ketin rê.

Li Goristanê ji bo bîranîna şehîdên azadiyê deqeyek rêz hate girtin, piştre endamê Meclîsa Malbatên Şehîdan a Efrînê Ednan Şêx Mihemed sersaxî ji malbata şehîd re xwest û wiha got:"Em ê bi berxwedaniya gelê xwe hêza dagirker bişkînin"

Her wiha bi navê herêma Şehbayê Zekiya Ebd El-Minem sersaxî ji malbata şehîd re xwest û wiha domand:"Dewleta Tirk dixwaze gelê Bakur û Rojhilata Sûriyê tune bike, lê em ê bi îradaya xwe bi ser bikevin."

Piştre nasnameya şehadetê ya şehîd Çiya kurd hate xwendin û radestî malbata wî hate kirin. Girseya gel cenazeyê Çiya Kurd bi dirûşme û tilîliyan li goristanê veşartin.