Cenazeyê şervanê QSD’ê Aram Hesekê (Ehmed Xidir El Selûm) ku di 30’ê Çileyê de li Zirganê şehîd bûbû, li Pakrewangeha Şehîdan a li bajarê Şedadê hat veşartin.

Merasîma cenaze ji aliyê Meclisa Malbatên Şehîdan a bajarê Şedadê ve hat lidarxistin. Girseyeke mezin a şêniyên bajar, endamên saziyên sivîl, partî, hêzên leşkerî û ewlehiyê beşdar bûn.

Merasîm bi deqeyeke rêzgirtin û torena leşkerî dest pê kir. Piştre ji rêveberên Meclisa Malbatên Şehîdan a Şedadê Ebdulmecîd Etiye axivî.

Etiye piştî sersaxî ji malbat û hevalên şehîd re xwest, diyar kir ku serkefitnên hatine bidestxistin berhemên keda şehîdan e.

Etiye xîtabî çeteyên dewleta Tirk, xayîn û sixûran kir û got "Bi xwîna şehîdên azadiyê, bi rihê her tiştên pîroz, bi qêrîna dayika şehîdan em ê tola şehîdên xwe ji xayînan hilînin û em ê terorê li welatê xwe tune bikin."

Piştre wesîqeya şehîd hat xwendin û radestî malbata wî hat kirin. Cenazeyê şehîd li ser wesîyeta wî ber bi gundê Sihiyê yê 15 km li bakurê navenda bajarê Şedadê hat veşartin.