Girseya gel cenazeya şehîd Amir Eba Zêd (Sipartakos)ji MeclÎsa Malbata Şehîdan wergirtin. Şervanê QSD’ê Amir ê ji parêzgeha Derayê ya girêdayî Sûriyê bû, li Dêra Zorê beşdarî refên QSD`ê bû û di dema ku li navçeya Şedadê ya girêdayî Kantona Hesekê bi erka xwe radibû şehîd bûbû.

Li goristanê merasm bi deqeyek rêzgirtina şervaên YPG/YPJ’ê destpê kir. Piştre li ser navê Meclîsa Malbatên Şehîdan Rewaa Hisên axivî û sersaxî ji malbata şehîd re xwest.

Li ser navê QSD`ê yek ji fermandarên Hêzên Sûriya Demokratîk Ziyab Hesekê jî diyar kir ku serkeftinên ku li Bakur û Rojhilatê Sûriyê bi saya berdêlên şehîdan hatine bidestxistin, her wiha soza şopandina rêya şehîdan da.

Li ser navê rêveberiya Kongreya Star a Şaxê bajarê Hesekê Helîma Ehmed bal kişand ser ku şehîdan ji bo parastina vê xaka ku hezkirin û wekhevî têde peyda bibe xwe feda kirin. Helîma got: "Ji bo biratiya gelan şehîd Amir navê xwe di rûpelê dîrokê de zindî hişt".

Piştî axaftinan nasnameya şehîd hate xwendin û radestî malbatê hate kirin.

Di merasîmê de 54 şervanên ku di demên cuda û deverên cuda û di meha Gulanê de şehîd bûne hatin bibîranîn.

Dawiya merasîmê cenazeyê şehîd Amir spartin axê.