Bi hezaran şêniyên herêma Dêrik, navçeyên wê Girkê Legê û Til Koçer, şervanên YPJ, YPG û Hêzên Asayîşê cenazeyê endamê Hêzên Asayîşê Salih El-Hemîd ê ku di Pêngava "Şerê Tunekirina Terorê" de şehîd bibû bi merasîmeke girseyî li Goristana Şehîdan a navçeya Til Koçer spartin axê.

Kerwanê merasîmê ku ji dehan wesayîtan pêk dihat ji nexweşxaneya Şehîd Hogir a bajarê Dêrikê bi ber Goristana Şehîdan a navçeya Til Koçerê bi rê ket.

Merasîm bi deqeyek rêzgirtina leşkerî ve destpê kir. Piştre endamê Hêzên Asayîşê Mihemede El-Casim axivî û got: "Şehîd Salih xeta hevalên xwe şopand û soza ku dabû gel û şehîdan pêk anî. Silavên şoreşgerî ji bo kesên ku berdêlên giranbuha dane vî welatî, berdêlên jiyaneke azad û birûmet pir giran e."

Hevserokê Desteya Şûnwar û Parastina Hawirdorê Hisên El-Elî jî di merasîm de axivî û got: "Şehîd pêşengên me yên manewî ne, her wiha pêşengehên me yên ber bi serkeftinê û demokrasiyê ne, ji ber ku bi benda xwe zilmê li ser gelan radikin û azadiyê pêk tînin."

Piştî axaftinan nasnameya şehîd hate xwendin û radestî malbatê kirin.Malbata şehîd jî soza şopandina xeta şehîdan dan.

Derbestê şehîd di nava dirûşme û tilîliyan spartin axê.