Bi sedan welatiyên Kantona Hesekê cenazeyê şervanê YPG'ê Mihemed Seîd Kosa (Esmer Hesekê), Ehmed Cemo(Ehmed Cemo), Salih Hecîc (Ciwan Hesekê) û Emar Elî (Nimir Hesek), ji Meclîsa Malbatên Şehîdan a Hesekê wergirtin û bi karwanekî ku bi wêneyên şehîdan û alayên YPJ û YPG’ê hatibû xemilandin, berê xwe dan Goristana Şehîd Dijwar.

Li goristanê ji aliyê şervanên YPG û YPJ'ê ve merasîmeke leşkerî hate lidarxistin. Piştre Endamê Meclîsa Malbatên Şehîdan Ehmed Esed axivî û sersaxî ji malbatên şehîdan re xwest.

Fermandara YPJ`ê Mehabat Koçer axivî û  serkeftinên ku bi saya xwîna şehîdan tê bidestxistin li gelên herêmê pîroz kir û careke din soza şopandina rêya cangoriyan dan.

Her wiha Endamê  Yekîtiya  Karûbarên Olan, Şêx Mela Reşîd axivî û sersaxî ji malbatên şehîdan re xwest.

Piştî axaftinan, Endama Meclîsa Malbatên Şehîd Îlham Bekir, nasnameyên şehîdan xwend û radestî malbatên şehîdan kir.

Bi tilîliyên dayîkan û dûrişmeyên dilsoziya bi şehîdan re, cenazeyên  her çar cangoriyên azadiyê  li Goristana Şehîd Dijwar hatin veşartin.