Di daxuyaniya ji aliyê Feramandariya Giştî ya QSD’ê ve hate kirin, hat diyarkirin ku Pêngava Bagera Cizîrê ketiye qonaxek nû, pêngav bi 4 baskan ve pêk hat. Hat diyarkirin ku Bajarokê Siwer û 2 gund ji çeteyan hatin paqijkirin.
Fermandariya Giştî ya QSD’ê bi daxuyaniyeke nivîskî ragihand ku Pêngava Bagera Cizîrê ketiye qonaxekî nû.
Fermandariyê di daxuyaniyê de têkildarî qonaxa nû ev agahî parve kir:
″Pêngava Bagera Cizîrê îro derbasî qonaxeke nû bû û bi armanca rizgarkirina tevahî herêma Cizîrê ji 4 baskan ve ket tevgerê.
Baskê yekem ji gundê Cezrat destpê kir û 20 km pêşve çû. Li vî baskî li gundê Kebir di berxwedana hêzên me li hember êrîşeke xwekuj de 5 şervan şehîd bûn û pêveçûna şervanan li gund didome.
Li baskê duyem jî hêzên me tevahî herêma pîşesazî ji mayînên çeteyan paqij kirin.
Li baskê sêyemîn jî gundê Sed û navçeya Siwerê bi temamî hatin rizgarkirin û bajarok ji mayînan tê paqijkirin.
Her wiha li baskê 4′emîn jî şervan ji gundên Şînad û Inad nêzî 25 km ber bi navçeya Mergedê ve pêşve çûn û gundê Bir Nifax rizgar kirin. Her wiha cenazeyên 5 çeteyan û rêjeyek cebilxane ketin destê şervanan û tunelek hat dîtin.
Şervan bi armanca rizgarkirina navçeyê û gundewarên Xabûrê pêşve diçin″.
